22.8 C
Ohrid
понеделник, јули 26, 2021
Почетна Македонија Филипче - На 28 Април ќе ни стигнат 200 илјади кинески вакцини

Филипче – На 28 Април ќе ни стигнат 200 илјади кинески вакцини

Translate (Eng):[gtranslate]

Министерот за здравство најави дека на 28 април во земјава ќе стигнат 200 илјади кинески вакцини, додавајќи дека потврдата ја добил утрово од Кинеската амбасада во земјава.

„ Оставаме простор од неколку дена во случај да има некакви поместувања, со оглед на тоа што се случуваше досега“, изјави Филипче.

Тој додаде дека на 19 и 26 април ќе пристигнат и по 10 илјади вакцини од компанијата „Фајзер“. Станува збор за вакцини кои се добиени со директен договор на земјава со компанијата. Преку Ковакс-механизмот 76.000 дози на „Астразенека“ би требало да стигнат до крајот на месецов. Вакцините преку трипартитни договори со Европската Унија се очекуваат на почетокот на мај.

РЕКЛАМА

Филипче истакна дека се планира масовна вакцинција и во повеќе градови покрај Скопје.

„ Во Куманово, Штип, Кавадарци, Битола, Охрид и Тетово, кои ќе ги покријат и околните градови. Денес имам состанок со градоначалниците и со директорите на здравствените домови за да видиме во кои објекти тоа ќе се спроведува и како ќе се организира медицинскиот персонал“, рече Филипче.

Министерот додаде дека изминативе неколку денови паѓа бројката на новозаболени и на хоспитализирани, и денес се очекува да биде околу 890 нови позитивни на коронавирус.

 

- Реклами -