17.1 C
Ohrid
среда, мај 12, 2021
Почетна Македонија Апасиев со закана: Доколку пратениците излезат од изолација и дојдат во скафандери...

Апасиев со закана: Доколку пратениците излезат од изолација и дојдат во скафандери ќе тужам за биолошки тероризам.

Translate (Eng):[gtranslate]

Димитар Апасиев, лидерот на „Левица“, се закани со тужби доколку на утрешната седница во Собранието пратеници на СДСМ излезат од изолација и дојдат со скафандери да гласаат.

„Ако власта се дрзне да донесе заразени пратеници од карантин на пленарна седница, ќе попие кривична пријава за БИОЛОШКИ ТЕРОРИЗАМ и некој ќе си го крка, фино-лепо, по падот на Режимот“, напиша пратеникот на Фејсбук.

Владеачкото мнозинство според медиумските информации размислува да ги доведе своите пратеници кои што се во изолација во скафандери во Собранието на утрешната седница за да бидат изгласани законите од 36 седница што предвидуваат економска помош за компаниите и граѓаните.

РЕКЛАМА

„Граѓаните и компаниите во овие тешки моменти предизвикани од ковид кризата чекаат помош за да опстанат фирмите и за да ги зачуваат работните места. Затоа, ќе направиме се што е потребно и се што е можно за да се донесат законите поврзани со петтиот пакет. Граѓаните треба да знаат. Опозицијата прави се за помошта да не стигне кај граѓаните. Ние правиме се за помошта да стигна кај граѓаните. На крајот, граѓаните ќе бидат победници. Парите на граѓаните мора да стигнат кај нив“, вели координаторот на пратеничката група на СДСМ,

Ваков простор се остава во случај доколку утре повторно нема кворум, бидејќи на тенкото мнозинство му фалат тројца пратеници кои се во изолација поради Ковид-19.

Во моментов не е познато дали опозициските пратенички групи ќе имаат волја да обезбедат кворум на седницата која претседателот на Собранието, Талат Џафери, ја закажа за утре во 14.00 часот, иако денеска има изјава од Алијансата за Албанците дека ќе присуствува за да не му овозможи простор на спикерот за изговор.

Џафери инсистира прво да биде довршена 32 седница, а дури потоа да следува 36-та на која се законите од четвртиот и петтиот пакет на економска помош.

фактор

- Реклами -