Двајцата пратеници позитивни на КОВИД-19 кои денеска за да гласаат во законодавниот дом дојдоа во скафандери ги „зовре“ страстите во јавноста и го отвори прашањето – дали има протокол пратеници болни од корона да одат во Собрание?
Од Здравство се децидни дека протокол постои и истиот бил применуван и минатата година.
Пратеникот на СДСМ Мухамед Зекири го сподели протоколот на социјалните мрежи. Со него е превдидено пратениците кои се во домашна самоизолација и немаат симптоми поврзани со КОВИД-19 да може да учествуваат во рабоатата на Собранието, а и на истите при влез во зградата да им се мери температура.Дали ова се однесува и на пратеници позитивни на корона и со валидно решение од ДСЗИ за изолација, од објавениот Протокол не е јасно.
Овој случај, како со нож ја подели јавноста – за едни е херојски чин, за други кривично дело. Во одбрана, меѓудругите застана и министерот за правда Бојан Маричиќ, кој напиша дека овој случај биле неизбежен бидејќи опозицијата се противела седниците да се одржуваат онлајн.
Лидерот на ВМРО-ДПМНЕ Мицкоски, пак, смета дека денешните случувања во Собранието биле тероризам, а не случувањата на 27 април.
„Крајот брзо ќе им се случи, а ќе има и кривични пријави и одговорност за кршењето на протоколите, законите и Уставот!, порача Мицкоски повикувајќи се на членот 205 од Кривичниот законик, кој се однесува за за ширење заразна болести..
По овој, и следниот член 206, од почетокот на пандмијата казнети се неколку десетици што имале решение за изолација, а казните најчесто се парични, по 2.000 евра
канал5
