Благодатниот оган од Ерусалим преку Атина на Велјасабота ќе пристигне во Скопје

Светиот благодатен оган од Ерусалим, преку Атина ќе пристигне во Скопје на 1 мај, на ден Велјасабота. Ова го соопшти Комисијата за односи со верските задници прецизирајќи дека светиот оган ќе пристигне во вечерните часови на меѓународниот аеродром Скопје.

Директорот на Комисијата за односи со верските заедници, Даријан Сотировски на меѓународниот аеродром во Атина, Грција, ќе го преземе Светиот благодатен оган од страна на грчката државно-црковна делегација, која ќе го донесе од Ерусалим, каде што речиси два милениума се симнува во пладневните часови во Христовиот гроб во црквата на Христовото воскресение на Велјасабота.

Потоа, Светиот оган на меѓународниот аеродром во Скопје ќе биде пречекан и преземен од претставници на православните епархии, кои ќе го однесат во сите градови во државата.

ОСТАВИ КОМЕНТАР

Please enter your comment!
Please enter your name here