19.6 C
Ohrid
вторник, јуни 22, 2021
Почетна Македонија Ограбен манастирот Св. Атанасиј во Скопје: Kрадците од црквата украле 5.000 евра,...

Ограбен манастирот Св. Атанасиј во Скопје: Kрадците од црквата украле 5.000 евра, а успеале да влезат низ тесен прозор каде што собира само дете…

Translate (Eng):[gtranslate]

Парите собрани од неколку литургии за откупување на плац за гробни парцели, средување на капијата и останатите преправки во црквата Св. Атанасиј во Усје исчезнаа синоќа.

Некаде по полноќ храмот во храмот е извршен грабеж и од сефот се украдени околу 5.000 евра како што наведе клисарот Ацо Ѓуровски, кој 12 години му служи на овој верски објект..

-Требаше капела да направиме и да се дособерат уште малку пари за да се откупи нивата за гробните места. Тешко е, ова до сега не ни се случило, не очекувавме некој на црква да направи грабеж, ама ете се случи,вели Аце Ѓуровски – Клисар.

РЕКЛАМА

Додека бевме присутни се одвиваше и увидот на терен од страна на полицијата, беше пронајден нож од страна на инспекторите со кој бил обиен прозорот кај олтарот на црквата преку кој ограбувачите стигнале до сефот каде што биле чувани парите.

Иако тесен, сепак овој прозорец бил доволен да се влезе во црквата и да се изврши грабежот.

Од страна на МВР за Канал 5 велат дека се собрани потребните податоци за тешката кражба и дека се работи на понатамошно расчистување на случајот со цел да се пронајдат сторителите.

Ова не е прво обивање на цркви, во последниве неколку години слични случаи имаше во скопската црква Св. Ѓорѓија, црквата Св. Стефан во Аеродром, како и во Св. Троица. Грабежите кои што се случија во овие цркви е до шест илјади денари, што синоќешниот грабеж го прави еден од најголемите од сличен карактер.

- Реклами -