27.9 C
Ohrid
петок, јуни 25, 2021
Почетна Македонија Спасовски: Утре е голем празник за почит, се одбележува денот на полицијата....

Спасовски: Утре е голем празник за почит, се одбележува денот на полицијата….

Translate (Eng):[gtranslate]

Утре се одбележува Денот на полицијата, по тој повод гостин во вестите на Канал 5 е министерот за внатрешни работи Оливер Спасовски.

Со оглед на состојбата со Ковид-19 , ќе го одбележиме празникот во кругот на Полициската станица „Ѓорче Петров“ пред споменикот на бранителите.

Денеска одржавме онлајн конференција за улогата на жените во МВР за да се создадат услови што е можно повеќе припаднички на понежниот пол да го носат одлуките .

РЕКЛАМА

„Утре ќе дадеме силна поддршка и признание на секој припадник на македонската полиција , рече Спасовски.

Една од клучните работи е полициските работници да бидат мотивирани за работа и со гордост може да истакнам дека имаме опремена полиција, полиција со добри услови. Тоа можевме да го видиме и вчера, а сето тоа е градење доверба од граѓаните , зашто полицијата е огледало на државата. 55 објекти се целосно реконструирани , а целосно се опремени припадниците на полицијата. Минатата година ја завршивме со најдобри работи во последните 30 години и градиме услови за ефикасност на полицијата, рече Спасовски во гостувањето во вестите во Канал 5.

Спасовски рече дека се изградени два објекти како ИКТ центарот во Прилеп со центар за сите информации , како и новата зграда на крим техника со нови лаборатории , како и новиот Центар за странци, најави Спасовски , кој рече дека наскоро почнува изградба на нова полициска станица во Аеродром и во Бутел.

Владата на Обединетото кралство ги призна македонските возачки дозволи , рече Спасовски.

Со министерот Спасовски разговараше Михајло Видимлиски…

- Реклами -