Kорона вирусот kako во светот така и во Македонија не престанува да ни носи нови не пријатни вести и секојдневно во дневната статистика броиме нови лица кои го напуштаат овој свет, за жал еден од нив е и музичарот Гоце Талевски, член и еден од основачите на музичката група „Оскар“ од Битола за кого во изминатиот период се собираа финансиски средства за лекување.
На социјалните мрежи се огласи и неговиот син Павел кој сподели емотивна порака на својот фејсбук профил:
„Другари, денес се случи нешто што не го очекувавме. Татко ми Гоце Талевски ја изгуби битката со коронавирусот. Јас тоа што му го ветив, ќе го остварам.
Ќе продолжам од каде што застана и ќе се трудам да сум како него и да ги слушам неговите совети. Тато, те сакам најмногу на светот“, напиша тој.
