21.9 C
Ohrid
петок, јули 19, 2024
ПочетнаМакедонијаOд 1 Јуни можно е и да има свадби во Македонија-Но само...

Oд 1 Јуни можно е и да има свадби во Македонија-Но само на отворено..

Има ли шанси, после повеќе од една година, да се дозволи организирање на свадби веќе од први јуни.

Последниот забор за ова прашање ќе го има Комисијата за заразни болести на 15 мај.

Таа ќе треба да одлучи дали ќе одговори позитивно на барањето на угостителите овие прослави конечно да почнат да се организираат во земјава, но и дали ќе ги прифати протоколите што ќе ги предложат организаторите.

Она што е зрак на надеж, е што на овие угостители за прв пат им е кажано дека воопшто ќе се разгледува прашањето за нивно отворање, односно организирање на прослави.

„Ова е за прв пат, на средбата со вицепремиерот Фатмир Битиќи, да ни биде кажано дека ќе се разгледува прашањето да се отворат рестораните за организирање свадби. Досега такво нешто воопшто не ни беше ни најавувано, ова е прв пат тоа да се случи. Но, сепак, конечниот збор ќе го има Комисијата за заразни болести, ависно од епидемиолошката состојба“, вели Мартин Ангеловски, потпретседател на Туристичко угостителската комора при ССК.

Тој очекува, доколку Комисијата за заразни болести даде позитивно мислење на 15 мај, да се дозволи вакво работење на објектите веќе од почетокот на јуни. Дотогаш би се одредувале протоколи кои би важеле за нивното функционирање, кои исто така треба да добијат согласност од Комисијата.

Се уште не е одлучено кои протоколи би важеле. Ангеловски вели дека тие дополнително ќе се договараат, и не значи дека ќе бидат исти со она што досега го предлагале организаторите на свадби. Но, протоколите ќе зависат од тоа каква во тој момент ќе биде епидемиолошката состојба со коронавирусот, дали во тој период ќе важи полициски час или ќе бие укинат, дали ќе има ограничување и до колку часот на работењето на другите угостителски објекти, односно кафулињата и рестораните.

„Ние досега три пати предлагавме различни видови протоколи, кои зависеа од тогашната состојба. Сега ќе биде истото, тие ќе зависат од условите кои тоагаш ќе важат, дали ќе има полициски час, до кога биде дозволено да работат другите локали и слично. Во моментов со колегите се уште разговараме и се консултираме какви протоколи да предложиме“, објаснува Ангеловски.

Она што е извесно, е дека организаторите на свадби ќе бараат гостите да бидат по повеќе на маса, а не по четворица, како што важи за другите угостителски објекти.

„Ќе бараме да се дозволи на маса да седат повеќе луѓе, нема логика да бидат четворица, иако тоа е во ред за обичните ресторани. Но, нашите свадбарски маси се големи, од 1,8 до 2 метра, и сосема логично и безбедно е на нив да седат најмалку по шест лица“, вели Ангеловски.

Исто така, извесно е дека на стартот, сега, би се дозволило свадби да се организираат само на отворено. Значи, тоа ќе мора да биде на терасите и никако во затворените простории на објектите, всушност истото што важи и за сите други локали.

Маски во никој случај нема да се носат. Таков предлог, впрочем, никогаш и немало од организаторите, а и факт е дека маски не се носат ниту во другите угостителски објекти, за кои неодамна се дозволи да работат само на отворено, а од скоро работното време им се продолжи до 22.30 часот.

Инаку, вцепремиерот Битиќи со кого овие угостители имаа средба, рече дека актуелните протоколи за работа на угостителските објекти важат до 15 мај. Потоа, како што нагласи, согласно препораките на Комисијата за здравство, ќе се знае што понатаму.

„Во овој момент очите се свртени кон Комисијата за здравство и тоа ни е единствената точка според која ги носиме економските одлуки. Со последната одлука на Владата им дозволивме на угостителските објекти кои се категоризирани за организирање настани да работат под истите услови како што работат и сите други угостителски објекти, а тоа е да работат на отворени тераси и според протоколите. Вчера зборувавме за евентуално дополнително прилагодување на протоколите за работа на оваа категорија на угостители“, рече Битиќи.

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Силно невреме го зафати Скопје: Кровна конструкција се заплетка на кабли од далновод.

Поради силното невреме кое го зафати Скопје, дел од кровна конструкција заврши на далновод. Кровната конструкција која ветрот ја оддува се заплетка во каблите од...

Украден калашников од полициската станица во Скопје

Во полициската станица во Карпош украдено е автоматско оружје „калашников“ брифираат извори на Порталикс. Информацијата ја потврди и МВР кои велат дека од 19 јуни...

При контрола на ноќен клуб во Тетово пронајдени 32 жени од Русија, Молдавија, Украина, Косово, Албанија, Србија, Словенија и Казахстан

Полициски службеници од СВР Тетово при контрола на ноќен клуб во тетовско Горно Седларце на 17/18.07 во периодот од 23:30 до 5 часот изутрината...

Бајден е позитивен на ковид-19, ќе паузира од кампањата

Американскиот претседател Џо Бајден е позитивен на ковид-19, потврди Белата куќа. Веста е објавена откако Бајден не се појавил на настан поврзан со претседателската...