Македонка и Марјан со зелени гранки контролирале пожар и не дозволиле да се прошири. За ова попладнево информираа од Доброволното противпожарно друштво „Сашко Гешовски“ од Кавадарци.
– Членови на друштвото несакајќи ја започнаа противпожарната обука порано од предвиденото. Имено, Македонка Каракашова и Марјан Хаџи Мустафов кои се дел од „Тиквешките точакџии“ излегоа со велосипед со цел да уживаат во природа. На местото „Катуниште“ забележаа пожар и веднаш пријавија во Противпожарната единица во Кавадарци. Наместо да продолжат како што би направиле некои неодговорни лица, тие останаа на местото. Чекајќи ја противпожарната служба, го контролираа огинот со зелени гранки, со цел да не се прошири – информираа оттаму, поздравувајќи ја одговорноста, со надеж дека свеста ќе се пробуди кај сите и во иднина секој ќе дејствува одговорно како овие млади лица.
Пишува: Тазе.
