19.6 C
Ohrid
вторник, јуни 22, 2021
Почетна Македонија Заврши Првата фудбалска лига: Шкендија го крена пехарот, Струга со историски пласман...

Заврши Првата фудбалска лига: Шкендија го крена пехарот, Струга со историски пласман во Европа

Translate (Eng):[gtranslate]

Шест години од своето формирање екипата на Струга Трим Лум го постигна најголемиот успех во клупската историја, откако денеска во последното коло сезонава во Првата македонска фудбалска лига (ПМФЛ) обезбеди премиерен настап во европските купови по триумфот на гостински терен над Силекс со 1:0 (0:0).

Пишува Тв21

До победата вредна настап во првото квалификациско коло во новоформираната Конференциска Лига Европа на УЕФА, Струга дојде во Кратово со автоголот на Дејан Благојевиќ во 67. минута, откако гостите од 29. минута остана со играч помалку поради исклучувањето на Марјан Алтипармаковски.

РЕКЛАМА

Од поодамна, шампионската титула ја обезбеди Шкендија, која ќе стартува во квалификациите за Лигата на шампиони, додека второпласираниот Шкупи, заедно со Струга и победникот во финалето на Купот меѓу Академија Пандев и Силекс, в среда, ќе настапат во првото квалификациско коло во Конференциската Лига Европа. Шкендија на крајот по ремито со Шкупи денеска (1:1), го подигна шампионскиот трофеј.

Ренова и Силекс ќе играат во баражот за опстанок во ПМФЛ против второпласираните екипи во второлигашката конкуренција Тиквеш и Охрид.

Од следната сезона во Втората лига ќе играат Вардар и Беласица, додека нови прволигаши се Брегалница Штип и Скопје.

Последно 33 коло во ПМФЛ:

Академија Пандев – Борец 3:1

Пелистер – Беласица 2:0

Ренова – Работнички 1:1

Шкендија – Шкупи 1:1

Силекс – Струга Трим 0:1

Вардар – Македонија ЃП 0:2

Табела; Шкендија 75, Шкупи 59, Струга Трим Лум 57, Македонија ЃП 55, Работнички 48, Пелистер 45, Академија Пандев 41, Борец 40, Силекс 36, Ренова 36, Вардар 31, Беласица 17.

Исто така победата на Шкендија ја честиташе и Али Ахмети на неговиот твитер профил.

Нема достапен опис

- Реклами -