14.6 C
Ohrid
сабота, јуни 12, 2021
Почетна Македонија Николовски: Граѓаните едвај ги чекаат локакните избори за повторно да гласаат за...

Николовски: Граѓаните едвај ги чекаат локакните избори за повторно да гласаат за СДСМ.

Translate (Eng):[gtranslate]

Генералниот секретар на СДСМ Љупчо Николовски во интервју за телевизија Сител истакна дека детално преку системот за следење на работата на партијата, што се воведе се следи работата на градоначалниците и советите, но и на функционерите на државно ниво.

– Имаме евиденција дека околу 6400 проекти ветени од страна на нашите градоначалници и совети се испорачани, околу 4000 се во тек на реализација и околу 1900 што не се започнати и треба да започнат во останатиот период – соопшти Николовски.

Тој нагласи дека на претстојните локални избори СДСМ ќе излезе со чесна понуда и одговорни кадри, кои на анкетите ќе бидат најдобри.

РЕКЛАМА

– Ние кон крајот на месецот ќе преминеме и со штабска работа, ќе биде избран и централниот изборен штаб и ќе започне постапката за евидентирање и предлагање на кандидати за советници и градоначалници – најави Николовски.

Тој додаде дека во оваа постапка ќе се искористат сите модерни алатки, кои ги имплементираше СДСМ во изминатиот период, преку реевидентирање на над 80.000 членови, новите дигитални картички.

– Ќе овозможиме и членовите да се определат за кандидатите, но и ќе направиме истражување на јавноста и на тоа што мислат граѓаните за кандидатите – истакна Николовски.

Генералниот секретар посочи дека ова освежување од Конгресот, ќе продолжи и при избор на кандидати за советници и градоначалници, но секако оние што покажале резултати, се докажале ќе имаат шанса, можност повторно да бидат кандидати.

– СДСМ е убедлив во промените и во победите, фаворити сме на локалните избори, според сите истражувања, кои ги прави партијата, но мораме да предложиме, а граѓаните да изберат чесни, одговорни и способни кандидати – порача Генералниот секретар на СДСМ Љупчо Николовски во интервју за телевизија Сител.

- Реклами -