Охридската полиција трага по лице кое лажно се претставувало како полицаец и барал пари за "понатамошна постапка "

Охрид, 17. мај 2021 (ОХРИДПРЕС) – СВР Охрид презема мерки за пронаоѓање на лице кое, деновиве преку телефонски јавувања кај граѓани од Охрид, Струга и Кичево, лажно се претставува како полициски службеник.

– Лицето врши измама за наводно случена сообраќајна незгода во која жртви или тешко повредени, се членови на нивните семејства. Притоа, предизвикувајќи огромна вознемиреност, бара пари за понатамошна постапка. Апелираме до граѓаните да не наседнуваат на вака добиени телефонски известувања и истите да ги пријават на 192 или лично во најблиската полициска станица, информираат од СВР Охрид. (Крај)