Владата на Малта соопшти дека ќе одвои 50 милиони евра за ваучери со цел да се зголеми потрошувачката во земјата.
Според предвиденото, по 100 евра ќе добие секој граѓанин постар од 16 години, за да се врати економијата погодена од пандемијата.
Малта, која се обидува да ја поттикне туристичката потрошувачка, минатиот месец им понуди на туристите до 200 евра доколку останат најмалку три дена на медитеранскиот остров. Сумата зависи од рангот на хотелот во кој престојуваат туристите.
