Познатиот оперски пејач Игор Дурловски и неговата сопруга, сопранот Ана Дурловски се родители на три деца: Максим и близнаците Лука и Софија.
На почетокот од пандемијата, Дурловски објави видео во кое пее со семејството. Тој со сопругата Ана, која е е исто така оперски пејач објавија видео како ја пеат познатата македонска песна „На Струга дуќан да имам“ придружувани од децата.
Слично видео, во која ја пеат традиционалната песна „Налеј, налеј“, објавија на Фејсбук на Илинден, додека се возат во автомобил.
„Секое дете е приказна за себе. Нема друга опција освен да им се посветите индивидуално и со подеднакво внимание за тројцата.
Не влијаам на нивните одлуки што сакаат да станат кога ќе пораснат, сакам тоа да биде нивна одлука“, изјави Игор Дурловски за децата во претходно интервју за „Кајгана“.
Инаку Дурловски, беше носител на изборната листа на ВМРО ДПМНЕ на претходните парламентарни избори.
Во октомври минатата година, тој реши да си поднесе оставка, односно го врати својот пратенички мандат. На својот фејсбук профил, Дурловски тогаш напиша:
„Националните интереси, правда за неправедно прогонетите и нормална држава за нашите деца беа/се мои приоритети. Пратеничката фотеља боде кога политичката прагма станува поважна од моралот.
Затоа, го напуштам Собранието на Република Македонија, а на колегите од коалицијата „За обнова на Македонија“ им посакувам истрајност, доследност, мудрост, којашто сум сигурен дека ја имаат.
Тоа што го зборував не можам да го направам, но сега нема да зборувам а ќе продолжам да го правам,“, напиша Дурловски на Фејсбук.
Инаку Дурловски беше еден од групата осомничени за настаните од 27. април. Тој тогаш не ја прифати понудената амнестија и на крајот доби ослободителна пресуда.
Игор Дурловски важи за принципиелен човек, впрочем со чекорот кој го превзеде и напуштањето на Парламентот, тој тоа го докажа.
Тој завчера, на својот профил на социјалните мрежи, напиша:
„Секое некористење на придавката северна во името го поздравувам макар било и од кумовите на истото.“
СамоМакедонија
