Можеби не знаете како се вика, но сигурно сте виделе негова фотографија или видео на социјалните мрежи. Тој е окарактеризиран како најдоброто откритие на TikTok бидејќи во неговите постови на ироничен начин ги коментира туторијалите.
Се вика Кабане Ламе, познат и како Каби, Сенегалец со италијанско државјанство. На TikTok го следат над 60.6 милион луѓе. Како успеа да постигне толкава популарност?
Формулата е едноставна, без да изговори ниту еден збор, Каби иронично реагира на некои претерани туторијали или трикови кои покажуваат како една едноставна работа да ја направите на комплициран начин.
Во објавите тој воопшто не зборува што дополнително придонесе за негов успех на социјалните мрежи. Со мимика и движења на рацете Каби покажува на едноставноста на работите и животот, коишто не треба да ги комплицираме .
Неговата порака ја разбираат луѓето низ целиот свет.
kajgana
