Вкупната вредност на Интервентниот план за инвестиции до 2027 година изнесува повеќе од осум милијарди евра, информира премиерот Зоран Заев. Најголем дел во план се да бидат приватни инвестиции или грант донации од ЕУ, концесии, јавни приватни партнерства, или сѐ заедно 4,2 милијарди евра. „Наши државни пари од сопствен буџет, а дел од кредитните линии коишто се потпишани се повеќе од 3,8 милијарди евра, што значи заедно надминуваме осум милијарди евра инвестиции”, пресмета премиерот. Ребаланс на буџетот ќе има во јуни или јули.
Заев за следните пет години најави голем број на инвестиции во ски-центри, енергетиката, патната, железничката и гасната инфраструктура, капацитети за преработка на отпад, како и најмалку 30 странски инвестиции во вредност од 654 милиони евра во блиска иднина на повеќе локации во земјава со голем број нови работни места.
