16.9 C
Ohrid
четврток, јуни 17, 2021
Почетна Македонија Сашо Мијалков сепак останува во притвор во затворот во Шутка.

Сашо Мијалков сепак останува во притвор во затворот во Шутка.

Translate (Eng):[gtranslate]

Неправосилно осудениот Сашо Мијалков останува во притвор во затворот во Шутка, откако Апелациониот суд му ја одби жалбата на одлуката на Основниот кривичен суд.

Кривичниот суд минатиот месец ја одби гаранцијата на Мијалков од 10,8 милиони евра во недвижнини да биде пуштен да се брани од слобода, а сега Апелациониот суд ја потврди таа одлука, јави државната агенција МИА.

Мијалков досега е неправосилно осуден на 12 години затвор во „Тврдина-Таргет“ за масовното незаконско прислушување и на 8 години затвор во „Трезор“ за незаконска набавка на софтвер за следење електронски комуникации.

РЕКЛАМА

Случајот „Тортура“ е пред пресуда, а во случајот “Титаник 2“ беше првостепено осуден на три години затвор, но Апелација го врати на повторно судење. Мијалков е обвинет и во случаите „Плацеви на Водно“ и „Империја“.

Мијалков е во притвор во Шутка од 25 февруари, по изрекувањето на првостепената пресуда за „Тврдина-Таргет“.

- Реклами -