Дино паркот во скопската зоолошка градина е вистинска атракција за посетителите, а за тоа доволно зборуваат и бројните фотографии на социјалните мрежи, како и општата заинтересираност за посета.
Но, дури ни една ваква атракција не можеше да помине без изолирани инциденти на непристојно и несоодветно однесување на граѓаните кон инвентарот. Од ЗОО Скопје повеќепати ги предупредувале родителите и децата дека макетите на диносаурусите можат да се допрат, но не и да се уништуваат.
На Твитер пак, се појави и фотографија каде дете уринира точно пред еден од диносаурусите, додека родителите стојат покрај него без да преземат ништо. Оваа фотографија предизвика бројни реакции на Твитер. Дел ја осудија постапката, друг дел ги осудија оние кои осудуваат, но она што останува е лошиот пример и одобрувањето од страна на возрасните, помладите посетители да се однесуваат онака како што сакаат во Зоолошката градина.
Истовремено, постојано се предупредува да не се хранат животните, но сведоци сме како тоа постојано се случува. Правила има, но нема кој да ги испочитува.
skpje.info.mk
