Васил Гарванлиев (Струмица, 2 ноември 1984) — македонски пејач, баритон. Беше одбран да ја претставува Македонија со песната You на изборот за песна на Евровизија 2020 во Ротердам, пред да биде откажано шоуто. Настапувал со многу познати ѕвезди како Нели Фуртадо, Џули Ендрјус, „Њу кидс он д блок“, Енрике Иглесијас, Селин Дион и др.
Гарванлиев е роден во Струмица на 2 ноември 1984 година. На музичката сцена првпат се појавува на 7 години, а со детската песна „Марионка“ со која настапил на Златно Славејче, станал популарен, а песната станала евергрин. На 10 годишна возраст се преселил со семејството во САД.
Кога имал 17 години, неговото семејство било депортирано од САД. Во Чикаго, пред да почне да се занимава со оперската музика, тој пеел поп соло. Потоа живеел во Милано, Италија. На аудиција во Торонто, во Кралскиот конзерваториум бил примен со целосна стипендија и таму останал 9 години.
Од 2018 година повторно се вратил во Македонија и живее и работи во Струмица.
Тој беше дел од емисијата ,,Бекстејџ“ кади ги сподели емоциите, како поминала Евровизија и уште неколку интересни моменти.
– За мене настапот на Евровизија беше остварување на мојот детски сон, сонував дека еден ден ќе застанам пред таа голема сцена и ќе пејам.
– Не ме обесхрабрува тоа што не поминавме во финалето, јас гордо ја претставував Македонија, Македонската Радиотелевизија, и пред се самиот себе си.
– Самото појавување на сцена, сите тие пресови, сите тие интервјуа, и дружења остануваат врежани засекогаш, јас го дадов максимумот, вели Васил.
-Сакам да сум пример на младите деца, пораките од мајките и децата се фантастични, интервјуто е најубавото нештошто се случи дефинитивно, вели Гарванлиев.
