22 C
Ohrid
вторник, јуни 22, 2021
Почетна Македонија Денес градоначалникот на Охрид ја враќа железната ограда од вила „Билјана“ во...

Денес градоначалникот на Охрид ја враќа железната ограда од вила „Билјана“ во Белград.

Translate (Eng):[gtranslate]

Претседателот на српското Собрание, Ивица Дачиќ, ќе присуствува на свеченото примопредавање на дел од поранешната парламентарна ограда од страна на претставниците на градот Охрид и делегацијата на Македонија, беше објавено денескa на веб-страницата на националното собрание на Србија.

Тоа е зачуван фрагмент од оградата што се наоѓал пред парламентот во Белград, во периодот од 1936 до 1956 година.

Како што е наведено на веб-страницата на Собранието на Србија, примопредавањето ќе се изврши на платото пред Домот на Националното собрание во четврток во 7.30 часот, а оградата свечено ќе му ја предаде на Дачиќ, градоначалникот на Охрид, Константин Георгиевски.

РЕКЛАМА

Градоначалникот на Охрид, Константин Георгиевски, изјави дека примопредавањето на дел од оградата е знак на пријателство меѓу двата народа и ги покани граѓаните на Србија да го посетат Охрид.

-Ова е гест на пријателство и поврзување помеѓу двата народи и унапредување на соработката помеѓу Охрид и Република Северна Македонија со Република Србија, како на полето на културата, туризмот, бизнисот и секако на зајакнување на политичките односи меѓу двете држави.

Георгиевски потенцираше дека во Охрид ќе биде донесена одлука сите посетители од Србија да бидат ослободени од плаќање паркинг во тој град.

Споменатиот дел од оградата бил пред Собранието во периодот од 1936 до 1956 година, по што бил демонтиран и пренесен во Охрид, каде ја украсувал вилата „Билјана“, каде повремено престојувал Јосип Броз Тито. Оградата е изработена од ковано железо а била однесена во Белград денес со авион.

- Реклами -