На 28 ноември 2018 година во 12,35 часот во една од канцелариите на управните служби на македонското Министерство за внатрешни работи влегол познатиот разбојник Адмир Муратај, потпишал барање за издавање нов македонски пасош, се фотографирал, оставил отпечаток од прст и за два дена станал македонски државјанин со украден идентитет на Пајтим Муча. Пред да дојде во Македонија по Муратај имало веќе распишана меѓународна потерница од Интерпол Атина за убиство на полицајци, вооружени грабежи, употреба на експлозиви.
Ова го открива информацијата на порталот мкд.мк.
Со овој пасош подоцна тој влегува на тирански аеродром и врши друг криминал.
“Четири месеци откако го добива македонскиот пасош, Адмир Муратај беше мозокот на големиот вооружен грабеж на аеродромот Ринас во Тирана извршен на 9 април 2019 година. Тогаш беа украдени 10 милиони евра, а во престрелката со специјалните сили Муратај беше убиен. Македонското МВР овој случај го открива дури на 27 февруари 2020 година”, пишува порталот.
Повеќе детали за скандалозното издавање на македонски пасош на криминалец баран од Интерпол на овој линк
