Марко Арнаутовиќ преку социјалните мрежи се извини за својот непримерен гест по постигнувањето на погодокот против Македонија.
Преку стори на својот инстаграм-профил, Арнаутовиќ се извини за тоа што го направи. На крајот напиша „извинете“ и на македонски и на албански.
„Вчера имаше некои жестоки зборови кажани во емоции на натпреварот, за кои би сакал да се извинам, посебно на моите пријатели од Македонија и Албанија. Би сакал да кажам една работа јасно: Не сум расист! Имам пријатели од речиси секоја земја и се залагам за различности. Секој што ме знае го знае тоа. Извинете“, напиша Арнаутовиќ.
