Специјално за ММС од Букурешт, Орце Костов
Украинските фанови пристигнаа во Букурешт за денешниот натпревар Македонија – Украина со почеток од 15 часот по македонско време и веднаш се упатија кон базата на македонските навивачи во строгиот центар на романската престолнина.
Украинците се изненадија од гостопримството на Македонците кои во Стариот град на Букурешт се како дома, па добија покана да им се приклучат во славјето.
Секој од нашите навивачи посака да се фотографира со Украинците и нивното знаме за да направи спомен од настапот на Европското првенство.
Тие се чувствуваа како ѕвезди и сите очи беа вперени кон нив кога се случи најголемото изненадување – им понудија да пробаат македонска лута ракија.
А, кој друг ако не велешани и бившите фудбалери кои потекнуваат оттаму. Велешани се познати по тоа што пијат ракија и на голо без мезе, па ги натераа Украинците да пробаат од македонскиот специјалитет.
– Пробај ја, не лути, му рече нашиот навивач на Украинецот.
Но, кога тој голтна една голтка, го скисели лицето и издиша длабоко.
– Леле ама ме гори во грлото“, рече Украинецот на што нашите фанови гласно се изнасмеаја.
ЗА ПОВЕЌЕ ДЕТАЛИ И ФОТОГРАФИИ КЛИКНЕТЕ НА ММС
