Во 68-та минута од третиот дуел од групата Ц на Европското фудбалско првенство, триесет и осумгодишниот Горан Пандев, легендата на македонскиот и балканскиот фудбал, ја напушти играта и се збогуваше со националниот дрес.
Стадионот „Јохан Кројф“ во холандската престолнина за момент запре и му се поклони на нескршливиот голем фудбалер. Френки Де Јонг, Ванјалдум, Франк Де Бур, навивачите на Холандија, па дури и Весли Снајдер, со кого Пандев ја покори Европа со Интер во 2010 години, на достоинствен начин го испратија „Ел Гранде“ надвор од игра.
Кога една исклучително фудбалска нација, со огромна историја и култура ќе потстане и со овации ќе испрати порака, тогаш можеме сите да сфатиме каква големина го носела „црвено-жолтиот“ дрес во изминатите две децении.
MMС
