22 C
Ohrid
среда, август 4, 2021
Почетна Македонија "Њама" европа за Македонија - Европа немоќна-Бугарија не попушта и понатаму ја...

“Њама” европа за Македонија – Европа немоќна-Бугарија не попушта и понатаму ја блокира Македонија и цел регион

Translate (Eng):[gtranslate]

Дебатата за проширувањето претпладнево на министерскиот состанок во Луксембург била прилично интензивна, пренесуваат дипломатите, посебно во однос на  Македонија и бугарската блокада. Германија најмногу настојувала и покажала силна заложба за почетокот на преговорите со Македонија, но бугарската страна и натаму не  попушта, и покрај предупредувањата на земјите членки на ЕУ дека со оваа блокада „ЕУ си пука сама себе во нога“. Берлин од своја страна предупредил дека со вакво однесување ЕУ се претвора во „стратешко џуџе“ јавува мкд.мк.

На Софија ѝ било предочено повторно дека во прашање е кредибилитетот на целата Европска Унија, а критиките на земјите членки кон позицијата на Бугарија биле „многубројни“, велат дипломатите во ЕУ.

Бугарскиот претставник порачал дека „ЕУ не ја разбира длабочината на проблемот“ помеѓу Скопје и Софија, дека овој спор е европско прашање, и дека притоа Бугарија се наоѓа во „специфична ситуација“ поради претстојните избори во јули.

РЕКЛАМА

Сепак, Бугарија не може да даде никаква гаранција ни дека со политичка влада ќе го деблокира ветото, жалат европските дипломати.

За огромното мнозинство земји членки е јасно дека одвојување од Албанија не смее да има, и дипломатите присутни на состанокот оценуваат дека е речиси невозможно ова сценарио да се оствари, „освен ако нешто не се промени до крајот на денот“.

Целиот текст во мкд.мк

 

 

- Реклами -