22.5 C
Ohrid
петок, јули 30, 2021
Почетна Македонија Во ГОБ „8 Септември“ нема заразени, си замина и последната пациентка

Во ГОБ „8 Септември“ нема заразени, си замина и последната пациентка

Translate (Eng):[gtranslate]

Во петокот од „8 Септември“ си замина последната пациентка, која таму се лекуваше од компликации на новата болест. Во изминатава година и три месеци во овој центар беа лекувани 3.250 пациенти заразени со болеста, поради што беше стопирано лекувањето на пациенти од други болести, објави „Фактор“.

Директорот на болницата д-р Христијан Костов изјави дека се надева оти ова ќе биде крај на една лоша епизода со која се соочи целото човештво.

 

РЕКЛАМА

„Во еден период имавме и 180 хоспитализирани пациенти. Освен пациенти со тешки компликации од болеста ништо друго практично и да не лекувавме. Не се правеа операции, амбулантите за сите останати патологии не работеа, месеци и месеци во ГОБ „8 Септември“ не влегуваа други пациенти. Секој кат од болницата беше резервиран само за болните од оваа нова болест, секојдневно се бараше болнички кревет повеќе. Молби доаѓаа од сите страни, и тука беа носени пациенти со најтешка клиничка слика“, изјави Костов за порталот Фактор.

ГОБ „8 Септември“ од март 2020 година, со одлука на Владата стана ко вид центар, во кој поради компликации од болеста имале повеќе од 3.250 хоспитализации и над 24.000 прегледи на болни и суспектни на истата.
FacebookTwitterCopy Link

- Реклами -