Застрашувачка сцена е снимена во Акаба на Црвеното Море, додека двајца мажи лебдат над водата со падобран закачен за глисер. Во еден момент тие најверојатно застанале да се одморат и додека биле на површината на водата, ајкула скокнала од длабочините и фатила човек за нога!
Видеото е снимено во петокот минатата недела, а жртва на ајкулата е Јорданец (37) кој го загубил задниот дел од стапалото поради овој напад. Имал и искинати тетиви, мускули и скршеница на неколку коски.
Веднаш бил пренесен во локалната болница, каде му било оперирано десното стапало, а неговата состојба во моментов е стабилна. Странските медиуми забележуваат дека ова е веројатно првиот досега виден случај на ваков напад на ајкула.
