Повеќе од месец дена рестораните, кафичите и ноќните клубови работат со полн капацитет. Дали тоа ќе биде причина за на есен да го доживееме најцрното сценарио со нови ригорозни мерки?
Во текот на работните денови се прават резервации за во клубовите, настапуваат и гости од соседството. Викендите се резервирани за добра забава како и пред пандемијата, се зголемува интересот кај граѓаните за концертни вечери, исто така голем е интересот за свадби во затворен простор.
Лидерот на ДУИ, Али Ахмети, и министерот за економија Крешник Бектеши синоќа се забавуваа на свадба откако ваквите прослави беа забранети повеќе од една година.
Функционерите на ДУИ ја искористија можноста да заиграат на прослава на затворено, откако протоколите дозволија просторот да биде исполнет со 40 отсто од капацитетот.
Според фотографиите објавени на неговиот профил на Фејсбук, може да се заклучи дека Бектеши е оној кој што се посватил.
