23.9 C
Ohrid
петок, јули 30, 2021
Почетна Македонија Груби: Јас сакам да возам сега а не кога ќе имам 80...

Груби: Јас сакам да возам сега а не кога ќе имам 80 години, затоа ќе ги направиме сите автопати за најбрзо време.

Translate (Eng):[gtranslate]

До крајот на месецот треба да почнат преговорите со Бехтел и Енка за изградба на автопати, за прв пат по принцип „клуч на рака“.. За законското решение поддршка даде и ВМРО-ДПМНЕ, но против е Левица, која се сомнева дека е можна корупција.

Веднаш штом законот стапи на сила, ќе почнат преговорите со Бехтел и Енка за изградба на трите автопатски делници на коридорите 8 и 10, најавува вицепремиерот Артан Груби кој е и потписник на Меморандумот со американско-турската градежна компанија…

Кога ќе почне да се гради и колку би ја чинело државата, детали се уште нема. Груби за Канал 5 вели дека тоа допрва ќе се договара, но идејата со ваквото законско решение е во земјава да се изградат квалитетни автопати во брзи рокови.

РЕКЛАМА

„Очекуваме некаде средината на јули да е конечно усвоен во Собрание, со што Владата ќе направи експертска група и меѓунардона куќа за преговори со конзорциумот Бехтел Енка./ Оваа влада сака да изгради патишта на кои ќе возиме сите заедно, а не да чекаме кога ќе ни истече возачка па тогаш. / Сакам да возам сега, а не кога ќе имам 80 години, тоа е идејата.“ изјави за Канал 5 Артан Груби, прв вицепремиер

законот вчера доби амин и од власта и од опозицијата, но против денеска се огласија од Левица.. обвинуваат дека станува збор за скандалозен проект, што според нив го покажува делот каде е предвидено дека домашното законодавство делумно или целосно нема да важи за фирмата. Груби ги отфрла обвинувањата и уверува дека целиот проект ќе биде транспарентен.

„Би ги замолил дотичните да не ги преземаат улогите на Уставен суд, и Врховен суд и на пратеник и на министер коментирајќи се живо што се случува во државата. Најтранспаретно се носи закон ќе има дебата и на пленарна./ Не се работи за корумптивен проект, напротив сакаме да реализираме квалитетно и брзо а не да чекаме минимум 8 години како што чекаме за Кичево-Охрид. “ изјави за Канал 5 Артан Груби, прв вицепремиер

Она што е познато, според предлог законот е дека на градежната компанија ќе и се дадат низа овластувања, таа ќе менаџира но и ќе ги гради Коридорите. Ангажирани ќе бидат и домашни и странски фирми и работници, кои може да се ангажираат во просек до 60 часа недело во текот на годината, за што остро реагираа синдикатите и бараат овој член да биде избришан.

Kanal5

- Реклами -