На 30 јуни годинава заврши вториот рок за завршување на изградбата на автопатот Кичево-Охрид кој почна да се гради во 2014.
Оваа делница првично беше најавено да е готова во 2018 година, но со анекс на договорот се продолжи рокот до 30 јуни годинава. Тогаш, се зголеми и цената на чинење на автопатот на вкупно 598 милиони евра.
Јавното претпријатие за државни патишта склучило договор од над 8,2 милиони евра со Градежен институт Македонија за надзор за докомплетирањето на градежните работи на автопатот Кичево- Охрид.
Милионскиот договор веќе е објавен, а за надзорот Градежниот институт Македонија се здружува со скопската компанија Евро консалтинг, објави Фактор.
Овој договор следува по одлуката за пролонгирање на рокот за иzградба на оваа автопатска делница, а за што се прави и анекс на договорот со кинеската компанија Синохидро која е изведувач на работите.
