Од Делта сојот во земјата досега се заразени десетмина, откако беше потврдено дека оваа мутација е откриена кај четворицата сомнителни за кои вчера информираше министерот за здравство, Венко Филипче. Меѓу потврдените десет случаи со Делта сој се и татко и син од Тетово, потврдија за НоваТВ од Институтот за јавно здравје.
Од Општата болница во Велес потврдуваат дека кај нив на инфективното одделение е само еден пациент кај кого е потврден Делта сој на вирусот.
– Тој ги почувствувал симптомите уште пред да замине од Англија, почнал да кашла, но не очекувал дека ќе заболи токму од ковид-19. Пациентот има пневмонија, но е со лесна клиничка слика, стабилен е и не е ставен ниту на кислороден поддршка, но е малку вознемирен бидејќи го следи социјалните медиуми па почна да чувствува малку поголем притисок, зашто сите се интересираат за него поради делта сојот. Веќе одум дена е хоспитализиран кај нас во болницата, а добро е што по враќањето од Англија, кадешто работи, контактирал единствено со сопругата. Навреме е изолиран, веднаш ги известивме епидемиолошките служби и колегите ја следат ситуацијата. Добро е што нема нови пациенти, ниту суспектни случаи поврзани со овој заболен – изјави д-р Елеонора Јованова за НоваТВ.
Инаку досега велешанецот не бил вакциниран против ковид-19.
Извор:Nova
