6.9 C
Ohrid
недела, февруари 23, 2025
ПочетнаМакедонијаНаместо да ја поправат грешката и да се извинат, тие му изготвиле...

Наместо да ја поправат грешката и да се извинат, тие му изготвиле решение за прераспределба во друга поликлиника.

spot_img

Доктор Мирослав Гроздановски, невролог во поликлиниката Букурешт, во редакцијата на „Слободен печат“ изјави дека откако минатата недела ја фотографирал таблата каде што одделението за „дерматовенерологија“ беше погрешно испишано, а потоа закачено во оваа здравствена установа, добил решение за прераспределба во друга поликлиника. Според него, самото тоа што ја фотографирал таблата, претставувало основ поради кој директорот на здравствен дом Скопје, доктор Виктор Исијановски го префрлил во друга институција.

<

Директорот Исијановски, пак, за „Слободен печат“ изјави дека во другата поликлиника имало потреба од професионалец како неговиот колега, па затоа ја извршил прераспределбата.

-Имаме колешка помлада од мене 25 години, а јас сум на четири години до пензија. По правилата на нештата, обично секогаш се праќаат помлади колеги во друга клиника. Му кажав на директорот дека во Букурешт направив врвен европски кабинет и еве гледате, од суета нечија, што се случува. И тоа јас не ја објавив фотографијата туку професорот Никола Пановски. Ама не можеш по магарето, па удри по самарот. Мобинг ми прави, не ми ја дава честа, ни правдината, кога има помлада колешка да оди таа, а не јас. Јас ја фотографирав таблата и тоа е причината за мојата распределба, дефинитивно. Тоа е јавна табла, патоказ за луѓето. Не сум фотографирал нешто тајно. Одлуката за прераспределбата моја, дојде отпосле откако ја фотографирав. Четвртокот се случи, си коментирав со колегите приватно. Не објавив ништо, објави Никола Пановски. Попладнето ја заменија таблата, а утредента околу 13 часот кога дојдов на работа курир ми достави решение за прераспределба од петти дека сум распределен во Бит Пазар. Значи месецот почнал. Нормално дека не го потпишав решението. Му пишав допис на директорот Исијановски и денеска разговарав со него и ми кажа дека експерт како мене му треба на Бит Пазар и дека одлуката е конечна. Му реков дека ќе дадам отказ, зашто сум на четири години пред пензија, но тој рече дека одлуката му е конечна. Не сака да ја отповика одлуката и негира дека ме распределува поради тоа што ја фотографирав таблата, изјави за „Слободен печат“ доктор Гроздановски.

Исијановски вели дека нема факти и не знае кој му ја пратил фотографијата на Пановски која што подоцна стана вирална.

Д-р Пановски минатата недела објави фотографија од оваа табла, критикувајќи го погрешно напишаното име и непрофесионалноста.

„Се извинувам, дали некој знае која гранка не медицината е ова?

Ми личи на Дерматовенерологија, ама да си прашам. Сепак луѓето ја порачале, можеби ја платиле, ја закачиле (веројатно ја прочитале пред да ја закачат), па јас да не не знам за оваа супсупспецијалност!!!“ напиша Пановски.

spot_imgspot_img
spot_img
spot_img
ПОВРЗАНИ СТАТИИ

Најпопуларни

Повеќе постови

Семејно насилство во Штип – Свекор ја натепал снаата

62-годишен жител на Штип вчеравечер е уапсен откако бил пријавен од неговата снаа, која вели дека физички ја нападнал, соопшти полицијата.

Од Дебар до Тирана ќе се стигнува за еден час

На 14 март ќе се отвори тунелот Муриз, дел од автопатот „Патот на Арбр“, со што патувањето од Дебар до Тирана ќе се скрати...

Мицкоски вели дека нема никакви списоци за партиски вработувања

Премиерот Христијан Мицкоски вели дека нема никакви списоци за партиски вработувања како што обвинува опозицијата, ниту на министерот за животна средина Изет Меџити му...

Почина 21-годишен осуденик од Штип откако бил донесен во болница со знаци на предозираност?!?

На 22.02.2025 во 11.31 часот во СВР Штип, од Клиничка болница Штип било пријавено дека кај нив од Казнено – поправната установа Затвор Штип...