30.9 C
Ohrid
понеделник, август 2, 2021
Почетна Македонија Возачот кој ја прегази Верица Белчовска доби 15 месеци затвор

Возачот кој ја прегази Верица Белчовска доби 15 месеци затвор

Translate (Eng):[gtranslate]

Основниот суд во Струмица денеска го осуди И.Ч. (18), од Струмица кој ја прегази 20-годишната Верица Белчовска од беровско Русиново, на казна затвор во траење од 15 месеци. Семејството Белчовски во моменти на тага, направи голем хуман гест, ги донираше органите на Верица, со што беа спасени неколку животи.

Сообраќајната несреќа се случи на 7 април годинава на булеварот „Ленинова” во Струмица во 19:40 часот, кога момчето кое возело автомобил марка „нисан” удрило во Верица која преминувала на пешачки премин. Возачот избегал од местото на несреќата, а подоцна, истиот ден, сам се пријавил во полициска станица.

Според судијката Цона Каламерникова, обвинетиот пред судот ја признал вината за стореното дело, а казната на момчето му е изречена за сторени кривични тешки дела против безбедноста на луѓето и имотот во сообраќајот и неукажување помош на лице повредено во сообраќајна незгода.

РЕКЛАМА

По загинувањето на Верица, семејството ги донираше нејзините органи, кои спасијатри животи и ја подобрија здравствената состојба на уште неколку лица.

За хуманоста семејството Белчовски доби стан на користење од Владата, а мајката на Верица се вработи во канцеларијата за средби со граѓани на премиерот Зоран Заев во Струмица

- Реклами -