22.5 C
Ohrid
петок, јули 30, 2021
Почетна Македонија Давкова - Предлагам наместо северна да стои Македонска Фудбалска репрезентација - преспанскиот...

Давкова – Предлагам наместо северна да стои Македонска Фудбалска репрезентација – преспанскиот не ја забранува придавката македонска

Translate (Eng):[gtranslate]

Акронимот „ФФМ“, ако се преименува Фудбалската федерација на Македонија, да стане „МФФ“, предлага професорката и пратеничка на ВМРО-ДПМНЕ – Гордана Силјановска Давкова.

Тоа е остварливо затоа што, вели Силјановска, Преспанскиот договор не ја забранува придавката „македонска“. Ако има „МКД“, може да има и „МФФ“, односно „Македонска фудбалска федерација“, како и „македонска фудбалска репрезентација“, додава таа.

Иако премиерот Зоран Заев, кој ѝ се извинуваше на Грција што фудбалската репрезентација ја нарекол „македонска“, јасно истакна дека според него точно е она што го бара нашиот јужен сосед – дека репрезентацијата е на Северна Македонија, Силјановска смета дека е апсурдно кратенката на ФФМ да се поврзува со државата само поради некоја исплата од Агенцијата за млади и спорт.

РЕКЛАМА

„Поврзувањето на кратенката со државата заради некоја исплата од Агенцијата, е пофалба на глупоста и лудоста, оти спортот не е државен, туку народен и граѓански феномен, Ама, ова не важи во земја БУДАЛИЈА, како ‘нашава’.

Наместо спортот и фудбалот да им припаѓаат на фудбалерите и навивачите, во него се вгнездиле – политичарите! Што бара министерот за надворешни работи кај првиот човек на фудбалот? Можеби го третира како амбасадор на фудбалот!?! Ама, ЧИЈ?“, пишува Силјановска на Фејсбук.

- Реклами -