31.9 C
Ohrid
понеделник, август 2, 2021
Почетна Македонија Заев: Пополекичка, кротко, ќе биде. Зошто? Затоа што се работи за коалициони...

Заев: Пополекичка, кротко, ќе биде. Зошто? Затоа што се работи за коалициони партнери…

Translate (Eng):[gtranslate]

На новинарско прашање дали на денешната средба меѓу премиерот Зоран Заев и лидерот на ДУИ, Али Ахмети значи дека се постигнал договор околу Тетово или сепак СДСМ ќе излезе со свој кандидат за овој град, Заев рече:

-Пополекичка, кротко, ќе биде. Зошто? Затоа што се работи за коалициони партнери, со кои имаме голема доверба. Секако, во некои работи сме различни, тоа јавноста го знае, но секогаш сме се обидувале да изнајдеме решение, затоа што довербата и одговорноста е голема, да го водиме мнозинството во парламентот, а со тоа и извршната власт.

Ваквите предизвици изискуваат време. Прво да видиме кои се кандидатите, номинирани од сите партии. Затоа реков за да побарате поддршка од помалите партии, треба да понудите и квалитетно решение, од она што имате на располагање, затоа што повикувајќи ги нашите членови и поддржувачи мора да имате аргументации за самите кандидати. Тоа се однесува за целата земја, не само за Тетово. Верувам дека низ ликовите за кандидати ќе ги изнајдеме решенијата. Направив средба со Тачи, со Биљал, денес имам средба со Ахмети и уште еднаш ќе потврдиме дека желбата за заеднички настап е присутна, а деталите и јас и тој денес не можеме да ги кажеме денес, постапките траат. Верувам дека на крајот ќе постигнеме заеднички настап затоа што ни е обврска на сите, а истовемено се надевам сите заедно ќе ја неговаме филозофијата за едно опшество за сите. Значи ќе бидат проткаени мултиетнички листи, со мултиетничка карактеристика на кандидатите, рече тој.

РЕКЛАМА

На новинарско прашање околу тоа дали владејачката партија размислува да кандидира Албанец за градоначалник на Тетово, премиерот Заев потврди дека тројца од петмината кои трчаат за кандидатурата на СДСМ веќе се Албанци.
– Во едни такви околности, јас лично би бил среќен ако имаме кандидат Албанец кој би бил фаворит, истакна Заев, додавајќи дека само тогаш може да се инсистира да се оди со сопствениот кандидат.

- Реклами -