22.5 C
Ohrid
сабота, јули 31, 2021
Почетна Македонија На професор по право не му кажувајте закони: Полицаецот кој го легитимирал...

На професор по право не му кажувајте закони: Полицаецот кој го легитимирал Апасиев постапил против правилата, и сега е на дисциплинска !!

Translate (Eng):[gtranslate]

Пратеникот и лидер на Левица информацијата ја објави на својот фејсбук-профил каде што ги прокоментира и пишувањата за овој случај на социјалните мрежи и одделни медиуми.

Внатрешната контрола на Министерството за внатрешни работи утврдила дека полицаецот неправилно се легитимирал, постапил спротивно на правилата и не издал записник за извршеното испитување за алкохолизираност, во случајот со пратеникот и лидер на Левица Димитар Апасиев од неодамна за што пратеникот поднесе претставка до МВР. Против полицаецот се води и дисциплинска постапка.

Попладнево пратеникот на својот фејсбук- профил го објави известувањето од МВР за неговата претставка и го прокоментира пишувањето на социјалните мрежи и одделни медиуми за неговиот случај.

РЕКЛАМА

„Епа, драги најчевци, панчо-миновци, полициски синдикалци со купени дипломи и други соросписки журналисти и колумнисти. Друг пат, кога ќе се обидете да му држите лекција на Професор по право, прво прочитајте си по некоја книга и по некој закон, па тек тогаш коментирајте у етер, за да не се бламирате и да ви се смее народ.

Внатрешната контрола при МВР утврдила дека:

Полицискиот службеник наведен во Вашата претставка, при примена на полициските овластувања, неправилно се легитимирал, со што постапил спротивно на чл. 3 од Правилникот за начинот на вршење на полициските работи и не Ви издал Записник за извршено испитување алкохолизираност со апарат дрегер – за што се преземени мерки на дисциплинска одговорност.

P.S. Уште од Римското право, основното гесло на правниците е: Чесно да живееш, никому да не му наштетуваш и секому да му го дадеш она што му припаѓа! Така ги учам студентите, така и живеам – без оглед дали комуницирам со граѓанин, полицаец, министер, амбасадор, спикер, претседател, крал…
P.S. Барајте си ги правата и не потклекнувајте ни милиметар пред неправдите кои секојдневно ви ги носи Животот!“, напиша Апасиев во коментарот.

плусинфо

- Реклами -