После четири години им гледам на битолчани во очи, бидејќи работевме чесно, домаќински и одговорно и имаме со што да се пофалиме и со што да се гордееме, порача градоначалничката Наташа Петровска, на граѓанската трибина на СДСМ „Најдоброто за нашата општина“ во Битола.
Таа рече дека општината ја наследила со долг од 12 милиони евра од кои, 4,3 милиони за образовните институции, но сепак, како што вели, успеала да реализира крупни проекти.
Меѓу капиталните проекти, градоначалничката на Битола ја издвои реконструкцијата на Офицерскиот дом и киното Манаки.
„Од самиот почеток не само што исплаќавме, туку и градевме. Колку и да се обидуваат да го занемарат она што го направивме, не можат“,
рече Петровска.
Таа посочи дека била извршена реконструкција на голем број улици во Битола, меѓу кои и обиколницата и улици во Касарната и во Долно Оризари. Во областа на спортот пак, вели дека спортистите биле поддржани со 600 000 евра и инвестиции во спортската инфраструктура.
Општина Битола, како единствена општина во државата во време на пандемија издвои 100 000 евра за здравствените институции, додаде Петровска.
„Пари има за сите инфраструктурни проекти, бидејќи тие не завршуваат на приватни сметки, а Битола е на врвот меѓу најтранспарентните институции во државата и така ќе продолжиме“,
порача Петровска.
Извор:360 stepeni.
