Лидерот на Демократска унија за интеграција (ДУИ), Али Ахмети денеска присуствуваше на настан по повод 20 години од Охридскиот Рамковен Договор, кој се одржа во свечената сала на ТВ21 (поранешно Кино Вардар).
На настанот присуствуваа и членови на Влада, амбасадори, како и претставници од невладиниот сектор.
На прашање околу тоа колку е реализирано она што го предвидува овој договор, Ахмети за ТВ21 порача дека нормативниот дел е целосно реализиран, но додава дека има уште работа.
РЕКЛАМА
„Албанците денеска уживаат многу права. Денес се чувствуваме како господари во својот дом“, истакна Ахмети за ТВ21.
Инаку, претседателот на ДУИ за првпат ќе присуствува и на Мечкин Камен, во Крушево на 2-ри Август по повод одбележувањето на Илинден.
