16.9 C
Ohrid
среда, јули 2, 2025
ПочетнаСветБајден - Косово е во срцата на сите членови на семејството. Косово...

Бајден – Косово е во срцата на сите членови на семејството. Косово со медал за починатиот син на Бајден

spot_imgspot_imgspot_imgspot_img
spot_img

Американскиот претседател Џо Бајден и се заблагодари на косовската претседателка, Вјоса Османи, за постхумното одликување на неговиот син, наведувајќи дека Косово е во срцата на сите членови на неговото семејство.

<

По повод одлуката на Османи постхумно да му додели медал на синот на Бајден, за неговиот придонес во напредокот на Косово, Бајден изјави дека тоа е „голема чест“ и оти „многу им значи”.

Бо се заљуби во Косово, каде што отиде доброволно пред 20 години, за да ја поддржи независноста на Косово и вашата нова демократија и, пред сè, владеењето на правото. Во тоа време, Косово имаше свежи рани од војната и децении на тоталитарно владеење – изјави Бајден.

Во пораката објавена денеска, а што ќе се емитува в недела на церемонијата на доделувањето на медалот, Бајден вели дека пред 20 години, Бо „можел да види што може да се направи“ на Косово и оти „иднината е можна“ за Косово.

Тој можеше да види дека е можна иднина за вашата горда земја, затоа беше толку посветен да обезбеди темелни истраги за воени злосторства. Сакаше да му помогне на Косово да изгради фер правосуден систем, способен да донесе правда и помирување, по одреден период во кој Слободан Милошевиќ беше суров кон вашата земја – вели американскиот претседател.

Тој, исто така, изјави дека со прифаќањето на медалот во име на неговиот син, „сака да укаже на неверојатниот напредок што Косово го постигна во последните 20 години“.

Има уште работа што треба да се направи, во борбата против корупцијата, во заштитата на правата на етничките и верските малцинства, во градењето позитивни односи со соседните земји и во зајакнувањето на економскиот развој. Ве уверувам дека САД ќе останат сигурен партнер на Косово – додаде Бајден.

Тој исто така рече дека целото семејство Бајден е „длабоко трогнато“ од одлуката на властите во Приштина да го именуваат патот во близина на базата Бондстил по Бо Бајден во 2016 година, една година по неговата смрт.

Бо Бајден, државен обвинител во државата Делавер, почина во 2015 година на 47-годишна возраст, од тумор на мозокот. Во Косово беше во 2001 година за да помогне во воспоставувањето судски институции и владеење на правото.

На церемонијата во недела, чиј домаќин ќе биде Османи, медалот ќе го преземе американскиот амбасадор во Приштина, Филип Коснет.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Март Кос: Идентитетот ви се манастирите, погачата, тавче-гравче, пинџурот или полнетите пиперки!

Еврокомесарката за проширување Март Кос вели дека идентитетот не може да биде предмет на политичко одлучување, бидејќи идентитетот е нешто што си го носиме...

Охриѓанец во ноќен клуб си ја истепал сопругата.

На 01.07.2025 година во 09.15 часот, лишен од слобода е С.Г.(35) од Охрид кој на 30.06.2025 година во 22.10 часот, во ноќен клуб во...

Тошковски: Апсењето во Струмица беше филмско, планирале дрогата да ја изнесат надвор од Македонија

Три лица уапсени, автомобилот бил полн со дрога, постоел план за нејзино изнесување од Македонија. Ова се клучните детали од вчерашната акција во Струмица,...

Битолчанец во казино претепал доктор, па потоа ја нападнал и полицијата !!!

Предложен притвор за осомничен за напад врз лекари и полицајци Основното јавно обвинителство Битола поведе постапка против едно лице за кое постои основано сомнение дека...