18.9 C
Ohrid
сабота, септември 18, 2021
Почетна Македонија Заев: Се чувствувам излажано од ЕУ, не испорачаа тоа што ни ветија

Заев: Се чувствувам излажано од ЕУ, не испорачаа тоа што ни ветија

Translate (Eng):[gtranslate]

„Се чувствувам излажано од ЕУ, бидејќи не го испорачаа тоа што ни ветија. Преспанскиот договор, освен за пријателство со Грција, го потпишавме за интеграција во ЕУ. Од 2001 имаме Договор за стабилизација и асоцијација, веднаш по Словенија, а пред Хрватска. Од 2005 имаме статус на земја кандидат и имаме 12 позитивни препораки“ кажа премиерот Зоран Заев во интервју за српски Танјуг.

Тој додаде дека земјава повеќе од 16 години чека преговори и дека фрустрацијата кај граѓаните на Северна Македонија е голема. „Ние држевме лекции и за европски манири, преку Охридскиот рамковен договор, Преспанскиот Договор. Нашите внатрешни договори може да послужат како лекција за многу мултиетнички заедници во развиени земји на ЕУ“ кажа Заев.

Премиерот рече дека после 12 позитивни препораки за започнување на членството во ЕУ и исполнување на сите препораки за реформи, не е евроски некој и понатмау да блокира.

РЕКЛАМА

„Се надевам дека ЕУ брзо ќе дојде до решение за Северна Македонија, Албанија, како и за Србија и Црна Гора. Нека се отворат кластерите и да се затвори тоа што е решено. Нашите граѓани губат надеж, но не постои алтернатива, сите мислиме на ЕУ“ кажа Заев. Тој додаде дека додека чекаме на ЕУ, треба регионално да се поврзиме и европеизираме за подобро да се служи на сите граѓани.

- Реклами -