Србија е подготвена да ги испрати своите хеликоптери за гасење пожари во Македонија доколку Скопје процени дека тоа е потребно, вели сршскиот претседател Александар Вучиќ.
Ова, според Вучиќ, е предвидено и со иницијативата Отворен Балкан, а него не го интересира што мислат за таа иницијатива поединци на Запад, ако таа е добра за Србија, Северна Македонија и Албанија, и за благосостојбата на граѓаните на трите земји.
„Доколку има потреба да му се помогне на Скопје во гасењето на пожарите, ние веќе донесовме одлука и се согласивме нашите хеликоптери за гасење на пожари, бидејќи можат да носат 1.200 литри вода, да помогнат во гасењето на пожарите. Се надевам дека сега ситуацијата е многу подобра“, ја пренесува МИА изјавата на Вучиќ по посетата на завршните работи за реконструкција и изградба на Клиничкиот центар на Србија во Белград.
Фото Танјуг
