Македонски Телеком ќе донира два милиони денари за помош на граѓаните кои живеат во областите погодени од големите пожари. Донацијата ќе се реализира во соработка со Црвен крст.
– Техничките екипи на Македонски Телеком се постојано на терен, за да ги санираат штетите од пожарите на телекомуникациската опрема. Благодарение на овие вонредни активности, мрежата засега е функционална, а граѓаните остануваат поврзани – велат од Телеком.
Во соработка со Црвен Крст, ставен е во функција и бројот за донации 143 400 на кој секој може да донира.
– Пожарите предизвикаа голема материјална и емотивна штета на голем број наши сограѓани и наша обврска, како општествено одговорна компанија е да започнеме иницијатива за помош, која се надеваме ќе ја следат и останатите приватни компании – велат од компанијата.
