Љупче и Томче Михајлоски, татко и син кои живеат во Гостивар со сопствени средства и труд изминатиов период ја имаат изградено новата влезна порта со крст за црквата „Свети Мина” во тетовска Волковија.
Членовите на црковниот одбор при храмот Свети Мина одлучиле да се најдат мајстори кои би ја изработиле портата со крст, а двајцата гостиварчани кои потекнуваат од Волковија се понудиле самите да ги изработат како донација за црквата.
-Тие кога разбраа за потребата и идејата да се изработи влезна порта и да се постави крст самите се нафатија со сопствени средства и работа да ги направат. Како сите верници се одлучија да донираат средства и труд за здравје на нивното семејство. Ние како црковен одбор изразуваме голема благодарност до ценетото семејство за подарениот крст и влезна порта. Доброто со добро да им се врати и да видат од Бога благословени, истакна Сашо Илиевски, член на црковниот одбори при храмот „Свети Мина” во Волковија.
Канал5
