Пред нас се недели во кои ситуацијата може да биде навистина критична – алармира министерот за здравство Венко Филипче, откако нагло почна да расте бројот на новозаразени од корона вирус, а со тоа и потребата за хоспитализација – вели министерот за здравство.
„Ако ја гледаме динамиката со која што бројот на инфицирани се зголемува, може да кажеме дека пред нас се неколку недели во кои ситуацијата може да биде навистина критична, има зголемен број на дијагностицирани и пациенти за хоспитализација посебно во неколку градови Тетово, Гостивар, Кичево, Куманово, дел од пациентите се префрлаат на Инфективната клиника бидејќи нема место„ – вели Филипче.
Според него, анализата покажува дека бројот на новодијагностицирани е поголем во градовите каде процентот на вакцинирани е многу мал.
„Од вкупниот број на новозаразени на дневно ниво, 90% не се вакцинирани, а тие 10% што се вакцинирани а заразени, имаат стабилна состојба. Она што дополнително охрабрува, од вкупниот број вакцинирани, е тоа што само 0,002% се заразиле, што укажува само вакцинираната популација е безбедна, тоа покажува дека вакцината е безбедна и ефективна. Во однос на вакцинацијата та добро се одвива во сите градови, одличен е одзивот по најавата за мерки, околу 8000 во денот вопросек“ – изјави Филипче.
