Рестриктивните мерки за невакцинираните кои ги најави министерот за здравство Венко Филипче, а денеска од Охрид уште еднаш ги дообјасни, ги исплашија граѓаните па голем дел од нив отидоа на вакцинирање. Заинтересираноста за вакцинација значително порасна оваа недела, а на вакциналните пунктови има голем метеж. Хаос и турканици имаше и на вакциналниот пункт во поликлиниката Јане Сандански во Скопје, а слична е сликата и во другите пунктови. Граѓаните сепак не чекаа долго да ја примат првата или втората доза од вакцината. Дел од нив пак коментираат, дека новите рестрикции се со цел да се заплашат граѓаните и да одат да се вакцинираат, иако таа одлука e правно неиздржана и дискриминаторска.
