Каде е министерката Царовска и зошто од Министерството за образование се уште нема официјални информации како ќе почне учебната година. Дали со физичко присуство, онлајн или со комбиниран модел на настава – согласно сценаријата кои ги подготвија уште во јули. Епидемиолошката состојба се влошува, а 40% од наставниците не се вакцинирани – и додека родителите и учениците се во исчекување, молк од Министерството за образование, министерката Царовска подолго време не се појавила во јавност. Се поставува прашањето, дали како лани ќе се чека до последен момент, кога поради неподготвеност на системот, учебната година почна на 1 октомври?
Како што објави Алфа, тие многу пати се обидувале да стапат во контакт со надлежните за односи со јавност во МОН, но оттаму не одговарале на нивните мејлови и повици. Останува да видиме што ќе одлучи Министерството заедно со здравствените власти со оглед на забрзаното ширење на корона вирусот.
