Иницијативата „Шанса за Центар“ најави независна советничка листа за претстојните локални избори на есен. Првичната цел на оваа иницијатива и на советничката листа е да се спречи натамошното уништување и да се вложи повеќе во квалитетот на животот на граѓаните – а не ги плаши ниту условот за собирање висок број потписи кои го најавија властите и тоа 2% од населението во дадената Општина.
Носителката на советничката листа, и некогашен носител на советничка листа на СДСМ во Општина Центар на локалните избори во 2017 година, Јана Белчева Андреевска конкретна – ова го прават за доброто на граѓаните, наспроти она што го прават партиите за личен профит. До толку повеќе се разочарани и од неисполнетите ветувања од страна на СДСМ, тогаш кога како граѓанска активистка беше носител на листата. Вели, само мал дел од проектите кои биле договорени се исполниле, а голем дел од плановите за подобрување на квалитетот на животот пропаднале.
„Главна цел на „Шанса за Центар“ ќе биде Општината да се развие по мерка на граѓаните, каде политиките ќе се носат отворено и ќе бидат базирани на анализи и податоци. Квалитетот на живот на граѓаните ќе биде појдовен принцип на делување на избраните советници“ – велат од Иницијатива.
