„Барселона не е твој приватен бизнис, ти си слуга на Перез, Лапорта ти си Јуда“ – навивачите на Барса бесни на претседателот на клубот Жоан Лапорта обвинувајќи го дека му наштетил на клубот.
Барселона го одигра првиот официјален напревар без Лионел Меси кој замина да игра во ПСЖ. Синоќа клубот од Каталонија успешно ја отвори сезоната во Примера, откако на „Камп Ноу“ го победи Реал Сосиедад со 4-2, демонтстрира моќ и не се забележа отсуството на Аргентинецот.
пред натпреварот фановите покажаа дека нема лесно да го преболат заминувањето на првата ѕвезда. Пред стадионот, беа закачени пароли и пораки до Жоан Лапорта, обвинувајќи го дека му наштетил на клубот.
„Лапорта – Јуда, го измами Меси“
„Лапорта, ти си слуга на Перез“
„Барселона не е твој приватен бизнис“
„Меси е во Париз, а ти си во Ибица“, беа дел од пораките.
Фановите се бесни на управата што си дозволи да дојде до ситуација да не може да го регистрира Лионел Меси. Аргентинскиот виртуоз спротивно на својата и клупската желба замина во ПСЖ, поради финансиските проблеми на Барселона.
