29.9 C
Ohrid
вторник, јуни 18, 2024
ПочетнаМакедонијаИсповед на македонски коцкар: Благодарение на новите мерки ќе се спасам од...

Исповед на македонски коцкар: Благодарение на новите мерки ќе се спасам од коцкањето.

Работам како таксист, и секој ден по завршувањето смената, колку и да не сакам, сепак влегувам во казино. Знам дека е лошо, страда семејството, но апаратите за игри на среќа ме влечат како некоја магија.

Затоа, кога стапија на сила новите мерки, според кои на невакцинирани лица им се забранува влез во казина, видов зрак на надеж, дека ќе се одвикнам и спасам од коцкањето – вака за ,,Фокус” раскажува таксист од внатрешноста, кој вели дека со години наназад трае неговата битка со зависноста од игрите на среќа.

Појаснува дека е свесен како влегол во еден круг од кој тешко го гледа излезот, бидејќи колку и да си ветувал, сепак на крајот на денот, не успевал да одолее да не влезе во едно од многубројните казина во неговиот град.

Беспарица, долгови, семејни проблеми, се е тоа дел од секојдневието на оние кои се редовни кога е коцкањето во прашање. Ќе работиш по цел ден, на крај за половина час ќе останеш без денар. Токму поради тоа, кога се донесе одлука да не смеат невакцинирани да влегуваат во казина, си реков дека ако сега не се спасам себе и семејството кое поради мене страда, никогаш нема! Не сум вакциниран, неодамна го прележав вирусот, и ќе видам што ќе ми донесе оваа одлука во иднина- раскажува тој.

Додава дека и негов пријател, кој исто така бил редовен во локалните казина, решил на ист начин да се обиде да ја победи зависноста.
И тој не бил вакциниран, и во забраната за влез во казината гледал како на шанса за спас од порокот со кој се борел со години.

-Ќе видиме како ќе се одвиваат работите. Не е лесно да се надмине овој проблем, тоа го знаат сите кои се навлечени на игрите на среќа, и се во состојба да пробаат се, само за да се одвикнат од лошата навика. Знам дека вакцината се препорачува како излез од пандемијата, но јас првин треба да излезам од овој магепсан круг, па потоа ќе мислам што понатаму – искрен е човекот.

Од асоцијацијата на спортски обложувалници алармираат дека по носењето на новите мерки им се испразниле казината и прометот за само неколку дена драстично им се намалил. Сепак, порачаа дека ќе ги следат владините мерки и протоколи кои се во интерес на заштита на здравјето и превенција од ширење на вирусот.
Инаку, во обложувалниците и казината работат околу 10.000 луѓе, а преку даноците кои ги плаќаат, годишно во државниот буџет се слевале 280 милиони евра.

Вики Клинчарова Фокус

spot_imgspot_img
spot_img
ПОВРЗАНИ СТАТИИ

Најпопуларни

Повеќе постови

Веќе втор ден се трага по Злата Јанкова (45) од Свети Николе-Со такси тргнала да си оди, но не стигнала дома..

Веќе втор ден се трага по Злата Јанкова (45) од Свети Николе, која во неделата околу 15 часот тргнала да си оди дома, во...

Четири и пол часа траела операцијата на ПСС за извлекување на телата на сопружниците од Ресен кои загинаа во страотна сообраќајна незгода !

Четири и пол часа траела операцијата на Планинарската спасителна служба за извлекување на беживотните тела на сопружниците од Ресен кои со своето возило излетале...

Фондот пак го одби Леонид да му даде пари за лекување, објави Андоновски

Заменик-народниот правобранител, Јован Андоновски, објави дека Фондот за здравство одново донел решение со кое одбива да го плати лекувањето на Леонид Индов во Виена....

На 89 годишна возраст почина првиот претседател на Собранието на самостојна и суверена Република Македонија, Стојан Андов.

На 89 годишна возраст почина првиот претседател на Собранието на самостојна и суверена Република Македонија, Стојан Андов. Андов е роден во Кавадарци на 30 ноември...