Македонски државјанин баран со поетрница е уапсен во Драч, Албанија во обид да ја напушти албанската територија, јавува МИА.
Се вели во полициското соопштение.
На излез на граничниот премин во Драч, службите на граничната полиција, како резултат на зголемените мерки и размена на информации со Интерпол Тирана, го приведоа М.О. (32) државјанин на Северна Македонија, баран со меѓународна потерница“,
Се наведува дека за време на обработката и верификацијата на податоците во системот, овој граѓанин се покажало како меѓународно барано лице, откако Судот во Северна Македонија го осудил на четири години затвор за кривично дело илегална организација на имиграција.
Полицијата информира дека на крајот од истражните дејствија на стручните лица на одделот за истраги на криминал при полицискиот комесаријат Драч, извршиле привремено апсење на ова лице, со цел негова екстрадиција во С Македонија.
Ова е последователен случај во кој албанската полиција апси македонски државјанин баран со меѓународна потерница. На 19 јули годинава на преминот Тушемиште – Свети Наум, на албанско – македонската граница, при влез во Албанија ја уапси А.М.(35) жителка на Охрид, барана со меѓународна потерница, издадена од норвешките власти, поради семејно насилство и киднапирање.
Претходно на 11 јули годинава на граничниот премин Ќафасан, кај Струга, исто така при влез на албанска територија, уапсен беше Ф.В. (39), жител на село Велешта-Струга. Против него шестиот федерален кривичен суд во Рио де Жанеиро, Бразил, издал налог за апсење за кривично дело трговија со наркотици.
Три дена подоцна на преминот Морина, пак, на албанско – косовската граница, кај Кукс, службите на албанската гранична полиција, го уапсија Џ.Ф. (38), жител на Скопје, баран со меѓународна потерница, за кривични дела кражба и трговија со наркотици, распишана од белгиските власти.
